Nga Boldnews.al
Albana Fico, drejtoresha e re e spitalit “Nënë Tereza”, ka anuluar një tender të firmosur nga paraardhësi i saj, Enkelejd Jotin. I konsideruar si një nga tenderët më të mëdhenj të shpallur nga Joti, i cili pritej të finalizohej, është anuluar nga Fico me arsyetimin se “dokumentet e tenderit përmbajnë gabime ose mangësi të rëndësishme”.
Tenderi i denoncuar në vijimësi nga BoldNeës.al ka qenë i paracaktuar, i destinuar për t’u fituar nga një firmë gjasme e huaj me kapital minimal, pas së cilave qendrojë oligarkët e shëndetësisë. Por, për çudinë e të gjithëve, atëherë kur pritej që të renditeshin firmat pjesëmarrëse dhe të shpallej fituesi, Fico e ka anuluar.
Në dokumentin që disponon BoldNews.al, i cili megjithëse vetëm me disa radhë, hedh dritë mbi një skandal të paprecedentë në mjekësinë shqiptare.
Në letra shkruhej se do të mirëmbaheshin pajisje që nuk egzistonin! Pra, ishin bërë dokumente fiktive për të rritur koston e të gjithë tenderit, kjo në kurriz të taksapaguesve shqiptarë.
BoldNews.al ka siguruar dokumentet e anulimit të këtij tenderi. Para pak ditësh, Fico ka njoftuar Agjencinë e Prokurimit Publik për anulimin e kësaj procedure.
Tenderi ishte me një afat 4 vjeçar me objekt “menaxhim dhe mirëmbajtje e aparaturave mjekësore në QSUT”. Ndërkohë që fondi ishte tepër i lartë, 645.887.198 lekë pa TVSH, ose mbi 6 milionë euro me TVSH. Një shumë tepër e lartë.
Sipas dokumentit të mësipërm, QSUT shkruan se arsyet e anulimit janë për shkak se “dokumentet e tenderit përmbajnë gabime ose mangësi të rëndësishme”. Ndërkohë, më tej jepen edhe disa detaje, referuar informacionit të pasqyruar në raportin përmbledhës me nr. 264/1 të datës 14 janar 2021, ku “janë konstatuar mospërputhje të pajisjeve mjekësore për të cilat kërkohet shërbimi i menaxhimit dhe mirëmbajtjes në versionin origjinal në shqip dhe versionin e përkthyer në gjuhën angleze”.
Sipas QSUT-së, nga shqyrtimi i dy listave të hedhura në SPE (versioni shqip dhe anglisht) kanë këto ndryshime:
• Pajisja me Nr. rendor 568 në versionin anglisht nuk ka pajisje të listuar (është bosh), ndërsa sipas versionit shqip, duhet të ishte pajisja me nr.inventari 34666 Holter NIBP.
• Pajisja me Nr. rendor 569 në versionin anglisht është pajisja me Nr. Inventari 34625 Graphics, ndërsa sipas versionit shqip, duhet të ishte pajisja me Nr. Inventari 34665 Holter ECG.
• Pajisja me Nr. rendor 570 në versionin anglisht është pajisja me Nr. Inventari 34624 Graphics, ndërsa sipas versionit shqip, duhet të ishte pajisja me Nr. Inventari 34670 ECG.
• Pajisja me Nr. rendor 571 në versionin anglisht është pajisja me Nr. Inventari 34666 Holter NIBP, ndërsa sipas versionit shqip, duhet të ishte pajisja me Nr. Inventari 34671 ECG.
• Pajisja me Nr. rendor 572 në versionin anglisht është pajisja me Nr. Inventari 34665 Holter ECG, ndërsa sipas versionit shqip, duhet të ishte pajisja me Nr. Inventari 34673 Shiringë Elektrike.
• Pajisja me Nr. rendor 573 në versionin anglisht është pajisja me Nr. Inventari 34670 ECG, ndërsa sipas versionit shqip, duhet të ishte pajisja me Nr. Inventari 34672 Shiringë Elektrike.
Në versionin anglisht të shtojcës informuese të publikuar në SPE në datën 13.12.2021, pajisjet meNr. rendor 569 dhe 570 (sipas shtojcës versioni shqip- Holter ECG dhe ECG janë zëvendësuar me pajisjet me nr.inventari 34625, 34624 (Graphics të cilat janë ofertuar 2 herë në versionin anglisht të kësaj shtojce, përkatësisht me numër rendor 428 dhe 429).
Gjthashtu, pajisjet me Nr.rendor 571, 572 dhe 573, përkatësisht ECG, Shiringë elektrike dhe Shiringë elektrike (sipas shtojcës versioni shqip), janë ofertuar nën zërat HOLTER NIBP, HOLTER ECG dhe ECG, pra ndryshime në zëra në dy versionet.
Konstatohet se këto gabime mbarten nga Shtojca 11 (Appendix 11) e Dokumenteve Standarte.
Pra nga shqyrtimi i listës në gjuhën angleze të hedhur në SPE, rezulton që pajisja me nr. rendor 428 dhe 429, përkatësisht me nr. inventari 34624 dhe 34625 përsëritet në nr. rendor 569 dhe 570.
Vlerësimi i ofertave me gabimet e sipërcituara, cenon parimet e LPP 162/2020, të përcaktuara në Nenin 3 ‘Parime të përgjithshme’, pika 1 ku citohet se: “Autoritetet dhe entet kontraktore garantojnë trajtim të barabartë dhe jodiskriminues për operatorët ekonomikë, si dhe veprojnë me transparencë e në mënyrë proporcionale”, pasi vendos operatorët konkurrues në kushte jo të barabarta ofertimi, si dhe përbëjnë mangësi tërëndësishme. Data e shpërndarjes së këtij njoftimi 18.01.2022.
