Në Kosovë janë regjistruar dy viktima dhe 2,707 raste të reja me koronavirus, njoftoi Ministria e Shëndetësisë më 25 janar.
Rastet e reja dolën pas 11,144 testimeve.
Në njoftimin e MSH-së, që i referohet të dhënave të 24 orëve të fundit, bëhet e ditur se janë shëruar edhe 556 pacientë.
Në Kosovë, aktualisht janë 21,668 raste aktive me koronavirus.
Në 24 orët paraprake, autoritetet shëndetësore kanë administruar edhe 6,492 doza të vaksinës kundër koronavirusit. Deri më tani, të vaksinuar plotësisht, me dy doza të vaksinës janë 802,301 persona.
