Partia Demokratike e Durrësit pritet që të dalë me një kandidat të përbashkët për zgjedhjet lokale të 6 Marsit. raportohet se kandidati që do të zgjidhet për të garuar në 6 mars, do ti nënshtrohet primareve, ose votimit nga anëtarësia, që do të mbahen më 30 janar.
Anëtarët e PD do ti drejtohen kutive të votimit për përzgjedhjen e një kandidati që do t’i përfaqësojë.
Procesi i votimit do te zhvillohet ose tek Pallati i Kulturës, ose tek godina e Partisë Demokratike në Durrës. Nga raportimet e deritanishme mësohet se kanë shprehur interes lidhur me garën të paktën 4 kandidatë.
Idenë për përfaqësimin me kandidatë të përbashkët në zgjedhjet e 6 marsit, të dy grupimeve në PD, e hodhi kreu i PD-së së Lushnjes, i cili gjatë mbledhjes së Kryesisë së degës, u shpreh se duhej ti bëhej presion Kryesisë Qendrore si dhe Lulzim Bashës, që të pranonte zgjedhjen e kandidatëve përmes primareve.
