Deputeti Edi Paloka në një lidhje me emisionin ‘Të paekspozuarit’ sqaroi deklaratën e bërë prej tij pak ditë më parë ku tha se janë manipuluar zgjedhjet brenda PD për të nxjerrë bashën kryetar.
Paloka tha se e vërteta ëhstë ndryshe, pasi ai dhe drejtues të tjerë të PD kur kanë parë pjesmarrjen e ulët në zgjedhjet për kryetar, ju kanë kërkuar krerëve në rrethe që të rrisin pjesmarrjen, gjë që mund të ketë nxitur këta të fundit që të bëjnë rrije fiktive të pjesmarrjes.
‘Ditën e zgjedhjeve për kryetar partie pjesmarrje e demokratëve për votime ishte shumë e ulët dhe ne jo vetëm për ti bërë favor Lulzim Bashës, por dhe për demokratët, unë dhe drejtues të tjerë të PD kemi marrë kryetarët e degëve dhe kemi kërkaur rritje të pjesmarrjes. Ju kemi kërkuar të nxjerrin njerëzit në votim, por për të qenë të sinqertë ishte një kërkesë joreale, por kërkesë e pasinqertë sepse ata që nuk dolën në atë kohë në votime nuk do dilnin më, dhe besoj se kjo kërkesë mund të ketë nxitur kryetarët që të rrisnin fiktivisht pjesmarrjen’, deklaroi Paloka.
Ndërkohë i pyetur nëse i ka nxitur anëtarët e PD për të votuar Bashën, Paloka tha se e ka bërë.
‘Po këtë e kam bërë, këtë e pranoj. Kam kërkuar vota për Bashën’, tha Paloka.
