Këngëtarja e njohur shqiptare, Linda Hakaj, ka pësuar një ndryshim të madh në dukje duke humbur plot 60 kilogramë. Ajo ka treguar se është bullizuar shumë herë sidomos pas humbjes së madhe të peshës.
“Kjo puna e bullizmit shumë më vret sepse kemi fëmijë. Unë mendoj që asnjë fëmijë nuk duhet të jetë i bullizuar. Unë tashmë jam e rritur dhe nëse unë ndihem mirë nuk më pengon mendimi i tjetrit. Por, kisha pasur qejf me qenë pjesë e ndonjë kampanje e vetëdijësimit të njerëzit tanë, e sidomos femrave. Po e ceki femrave se gjithë ato mesazhe që kam marrë për shkak të punës së peshës. Kur kam qenë e plotë, a përse nuk po e ndal gojën, je bërë kështu je bërë ashtu”- tha Linda.
“Pasi u operova e jam kthyer në peshë normale, më kishin shkruar në privat i paske ik hoxhës prej tabuti. Më ka ardhur interesant, si një femër, si një nënë mundet që të bëj një pyetje kur duhet të mendojë se ai ka fëmijë të vetin dhe si ishte ndjerë nëse do i thoshin fëmijës së vet. Në qoftë se se dikush e merr një iniciativë të tillë, do kisha qenë e para për vetëdijësimin e gjithë njerëzve që sa më pak me pas bulizëm të paktën tek gjeneratat e reja”- vazhdoi më tej 39-vjeçarja.
