Ministria e Jashtme ruse ka shprehur hapur shqetësim për ‘Shqipërinë e Madhe’. Moska “ndan” plotësisht “shqetësimin” për fanatizmin e personazheve në Prishtinë dhe Tiranë dhe synimin e tyre për të krijuar të ashtuquajturën “Shqipëri e Madhe” përmes bashkimit të “dy shteteve shqiptare” në Ballkan. Kështu bëjnë me dije burime sipas Ministrisë së Jashtme ruse.
“Këto “plane” mund të përshkruhen vetëm si subversive. Çdo rishikim i fshehtë i kufijve në rajon është në thelb katastrofik për stabilitetin tashmë të brishtë në këtë pjesë të Evropës, ku mbetet shumë për të bërë për të kapërcyer efektet e konflikteve dhe luftërave të viteve 1990,”-tha ministri Lavrov.
“Zgjidhja e qëndrueshme e problemit të Kosovës është e mundur vetëm në bazë të së drejtës ndërkombëtare, në veçanti Rezolutës 1244 të Këshillit të Sigurimit të OKB-së, e cila garanton, ndër të tjera, integritetin territorial të Serbisë me Krahinën Autonome të Kosovës dhe Komonuelthin e Shteteve të Pavarura. Në bazë të këtij dokumenti, bisedimet Beograd-Prishtinë mund dhe duhet të zhvillohen,”- vazhdoi ministri i Jashtëm rus, duke shtuar se “rezultati i tyre duhet të jetë një zgjidhje afatgjatë, e cila do të kënaqë palën serbe dhe do të marrë miratimin e Këshillit të Sigurimit në OKB”.
Diplomacia ruse pretendon se nga udhëheqja e Prishtinës ka ardhur koha që të kuptojë se përpjekjet provokuese për të bindur pjesën tjetër të botës për qëndrueshmërinë e “shtetit famëkeq të Kosovës” janë të dënuara të dështojnë që në fillim.
“Shtypja sistematike e popullatës serbe dhe të tjera joshqiptare, persekutimi i Kishës Ortodokse Serbe dëshmojnë për falimentimin e këtij plani”.
Po ashtu për diplomacinë ruse, heshtja e Perëndimit nuk është befasuese, por është “simptomë” e kënaqësisë së verbër të përmbushjes së tekave të ekstremistëve shqiptaro-kosovarë nga mbrojtësit e tyre të huaj, citon CNN.
“Ne do të vazhdojmë të kërkojmë që sulmet në Prishtinë të vlerësohen siç duhet, përfshirë organizatat ndërkombëtare, duke përfshirë kryesisht Këshillin e Sigurimit të OKB-së, në interes të ruajtjes së paqes dhe sigurisë në Ballkan,”-thuhet ndër të tjera në një deklaratë të Ministrisë së Jashtme ruse.
