Dibra është zgjuar e zbardhur nga dëbora mëngjesin e sotëm.
Dëbora ka shtruar në rrugë, ndërsa në zonat e thella trashësia varion deri në 25 centimetër. Akset Peshkopi-Kala e Dodës-Kukës kalimi bëhet me zinxhirë. Edhe aksi Peshkopi-Draj Reç-Kukës me zinxhirë. Po ashtu, aksi Ura e Çerenecit-Steblevë-Librazhd, segmenti nga Ostreni drejt Steblevës, kalimi bëhet me zinxhirë.
Mësimi ka nisur normalisht në shkolla. Ende nuk raportohen probleme në furnizimin me energji elektrike.
Edhe Kukësi është përfshirë nga reshje të dendura bore këtë mëngjes.
Termometri ka zbritur nën zero gradë, erat janë prezente e po ashtu edhe ngricat në rrugë. Momentalisht nuk raportohet për bllokime rrugësh apo fshtarash.
Sipas meterologëve, Kukësi dhe Dibra janë dy qarqet ku ditët në vijim priten temperaturat më të ulta në vend, me termomentrein që parashikohet të shënojë deri në minus 17 gradë.
