Një operacion i madh policor u zhvilluar dy ditë më parë për shkatërrimin e një linje të kontrabandimit të personave të ndryshëm nga Lindja e Mesme drejt BE-së. Operacioni është zhvilluar njëkohësisht në tri shtete, Shqipëri, Itali dhe Greqi, si dhe në disa shtete të tjera.
Ndërkohë, pas ekzekutimit të 47 masave të sigurimit personal të miratuar lidhur me hetimet e zhvilluara, sot është gjykata i ka lënë në burg të arrestuarit në vendin tonë. Bëhet fjalë për plot 25 të arrestuar në Shqipëri, nga të cilët 18 janë shtetas shqiptarë dhe 7 shtetas të huaj (palestinez, irakian, iranianë, egjiptianë dhe turq).
Personat e arrestuar në kuadër të operacionit ndërkombëtar të koduar “ASTROLABIO” janë:
Dushan Spahiu, Paulin Koçi, Petrit Pashaj, Indrit Hita, Enjat Myrtaj, Roland Ramadani, Emiljano Likaj (Gaçaj), Qazim Ismailaj, Fatjon Belaj, Zamir Muliu, të gjithë banues në Vlorë.
Fatos Dusha, Robert Hysa, Arjol Lleshi, të tre banues në Tiranë; Fatjon Koçllari, banues në Durrës; Kristiana Sako, banuese në Divjakë.
Muhamed Abdurrahim Sherif (Alias) Abdel Rehim Muhamed Eli, banues në Egjipt.
Mustafa Hysein Koseoglu, banues në Stamboll, Turqi.
Mehdi Mamushli, banues në Iran.
Ky operacion u zhvillua së bashku me autoritetet italiane dhe greke, në kuadër të një Skuadre të Përbashkët Hetimore (JIT), e krijuar midis Prokurorisë së Posaçme Kundër Korrupsionit dhe Krimit të Organizuar në Shqipëri, Seksionit Antimafia të Prokurorisë së Lecces, Itali, dhe të Prokurorisë së Përgjithshme të Apelit Athinë, Greqi, me koordinimin e EUROJUST (AJA) dhe ndihmën e EUROPOL-it.
Gjatë hetimeve të kryera nga Skuadra e Përbashkët Hetimore (JIT) është dokumentuar fakti se pjesëtarët e katër grupeve kriminale ushtronin në bashkëpunim ndërmjet tyre, aktivitetin kriminal të kontrabandimit të personave të ndryshëm nga Lindja e Mesme, me destinacion Italinë e Jugut dhe në vijim drejt vendeve të tjera të BE-së.
Nga hetimi i përbashkët i kryer janë dokumentuar 30 episode kontrabandimi, me 1120 emigrantë.
