Sot, shënohet 11-vjetori i protestës së 21 janarit, ku mbetën të vrarë 4 protestues në bulevardin dëshmorët e kombit.
Pas më shumë se një dekade nga ngjarja, prokuroria e Tiranës rinisi në maj të 2021, hetimet për 4 viktimat Hekuran Deda, Aleks Nika, Ziver Veizi dhe Faik Myrtaj dhe plagosjen e 6 të tjerëve.
Lidhur me ngjarjen e 11 viteve më parë, reagoi këtë mëngjes dhe kryeministri Edi Rama.
“Me bindjen që drejtësia vonon po nuk harron, si edhe ndjesinë më në fund pozitive nga shenjat e dallueshme të veprimit të drejtësisë së re, nderojmë sot katër protestuesit paqësorë të 21 janarit, vrasja barbare e të cilëve kërkon drejtësi”, shkruan ai në një postim nëFB.
Njëmbëdhjetë vite më parë, ishte Edi Rama ai i cili thirri një protestë, që përfundoi me humbjen e jetëve të katër qytetarëve.
