GJKKO vendosi sot masën e arrestit me burg për 17 personat e arrestuar me urdhër të SPAK, të cilët dyshohet për ngritjen e një rrjeti për trafikimin e emigrantëve të paligjshëm nga Siria drejt Italisë.
Fax News ka zbardhur pjesë nga përgjimet e kryera nga policia ndaj grupit që tranportonte emigrantë të paligjshëm nga kufiri me Greqinë deri në kufirin me Malin e Zi.
Bëhet fjalë për 17 të arrestuarit në kuadër të operacionit “Astrolabio”. Në përgjime dëgjohet si të përfshirët në këtë skemë të paligjshme diskutonin të tensionuar për punën që do bënin.
Pjese nga përgjimet
Fatjon Koçllari: Hë të keqen
Rudin Shkrela: Ja vlla një s’ke se po vete ta marr unë atë çunin se ka ngatërruar rrugën ai vlla, se s’po di nga të iki dhe të ikim direkt atje
Fatjon Koçllari: A?? Mirë o zemër po të ikën më fute në gropë se kam për t’i nis lekë unë atij
Rudin Shkrela: E di se edhe unë gropë jam
Fatjon Koçllari: E di ça kam bo, kam rënë dakort me atë o shoku njerëzit kur të vijnë në pikë i ke në pikë, do të them unë për kaq kohë në qoftë se nuk t’i kap njeri, do t’i jap unë lekët se i bie me pagujt unë se ata kanë një orë që kanë vajt, unë të thashë ty
Rudin Shkrela: Ja, ja se po iki unë direkt po ç’ti bëj se ka ngatërruar rrugën ai
Fatjon Kollçari: Aman se na more në qafë o zemër ta kisha dit, kisha nis tjetër
Dy ditë më parë një operacion i përbashkët i policisë shqiptare, italiane dhe greke, i shtrirë në të tre këto shtete, çoi në arrestimin e 47 personave, të dyshuar si anëtarë të një rrjeti kriminal që merrej me trafikimin e emigrantëve nga Lindja e Mesme drejt Italisë.
Përgjimet e grupit kriminal
24 Nëntor 2020
Biseda e emigrantit Naif Elhasen me transportuesin Thoma Sako. Emigranti i dërgon lokacionin ku ndodhet në kufirin mes Shqipërisë dhe Greqisë dhe i kërkon që të shkojë që ta marrë për një orë. “Jemi 5 veta” i thotë Elhasen, ndërsa Sako i përgjigjet “ok bro”. Pazari ishte 200 euro nga kufiri me Greqinë në Tiranë dhe më pas në Mal të Zi, por sapo ka shkuar dhe e ka marrë, policia e ka kapur Sakon duke e arrestuar.
Por si ishte organizuar rrjeti dhe si u prangos transportuesi?
Nga hetimet e SPAK ka rezultuar se i gjithë grupi i trafikut drejtohej nga Fatjon Koçlari, ndërsa pjesë e bashkëpunimit si transportues i emigrantëve ishte Thoma Sako.
Pjesë nga përgjimi mes Thoma Sakos dhe Fatjon Koçlarit në 23 Nëntor 2020
Thoma Sako: O zemra
Fatjon Koçlari: Ej nga do në Kor (Korçë), apo në Gjr (Gjirokastër), 9 ke në Gj dhe 8 ke në Kor
Thoma Sako: Do iki në 9-shja
Fatjon Koçlari: Epo shiko andej hap sytë, se sikur…
Thoma Sako: Në ca ore
Fatjon Koçlari: Ja të them unë
Biseda e dytë
Fatjon Koçlari: Bëhu gati për nesër
Thoma Sako: Në ca ore?
Fatjon Koçlari: Po se di, në 9 paradite do të ikim në Gjirokastër
Thoma Sako: E mirë
Biseda e tretë në datë 24 Nëntor 2020
Fatjon Koçlari: Ca po bëni?
Në telefon flet partnerja e Fatjon Koçlarit: Hic ja po presim duke fol me atë në telefon, me ata të djeshmit, po nuk e hapin telefonin, ke një gjashtëshe tjetër.
Thoma Sako: Ku janë ata më thuaj vendin?
Fatjon Koçlari: Ja një minutë
Biseda e dytë datë 24 Nëntor 2020
Thoma Sako: Hë Krist në shtëpi jam po ha bukë
Fatjon Koçlari: Ok, se po vijmë ne aty, ke punë ti?
Thoma Sako: Jo, s’kam
Fatjon Koçlari: Ok, se po ashtu koha del të vesh e të vish
Thoma Sako: Se di pra, se nëse mbyllen në 8 nuk del, nëse mbyll në 10 del
Fatjon Koçlari: Ok, se jam fiks mua atje prandaj
Biseda e tretë datë 24 Nëntor 2020
Thoma Sako: Jam në ujë të ftohtë në Tepelenë, për 10 minuta në Gjirokastër
Fatjon Koçlari: Po na ngrive zemrën, hape telefonin të të nisim atë
Thoma Sako: Ja dhe pak të afrohem, ato kanë ardhur anës xhadës
Fatjon Koçlari: Po pra po presin
Thoma Sako: Shyqyr
Fatjon Koçlari: Hajt
Biseda e katërt datë 24 Nëntor 2020
Thoma Sako: Thuj të dalin shpejt, mu këtu jam
Partnerja e Fatjon Koçlarit: Thuaj Fajtonit, hajt
Biseda e pestë në datë 24 Nëntor 2020
Thoma Sako: Jam në polici, thoj babit ta mbaj fort mamin aty, mos ti tregojë për momentin, më dëgjo moj, mos ti tregojë për momentin.
Partnerja e Fatjon Koçlarit (Kristina): Qysh, më thoj noj gjë
Thoma Sako: Me gjithë Lencin dhe atë shokun tim, po thuj babit të vijë cikë këtuja, të gjejë noj avokat e noj gjë.
