Në 6 Mars qytetarët e 6 bashkive të vendit, përfshirë edhe Shkodrën do të shkojnë drejt kutive të votimit.
Deputeti i PD, Edmond Spaho, në një intervistë për Ora News, u shpreh se tashmë problemi i Komisionit të Rithemelimit është përzgjedhja e kandidatëve sa më të mirë.
Spaho thotë se bazuar në statutin e 11 dhjetorit fillimisht do të zhvillohen primaret, ndërsa shton se çdo person është i lirë të kandidojë.
Edmond Spaho: Problem i parë është përzgjedhja e kandidatëve që të jenë figura sa më të mira dhe përfaqësuese. Mbi bazën e përcaktimeve në statutin që miratuam në 11 dhjetor do të zhvillohen primaret. Ne nuk pengojmë askënd. Kushdo që të vij të kandidojë nga brenda apo jashtë partisë qofshin dhe nga ata që mbështesin Bashën, të vijnë në primaret, dhe të votojnë kandidatin që mendojnë të jetë përfaqësuesi i tyre.
