Deputetja demokrate Jorida Tabaku ka deklaruar se së shpejti PD do të prezantojë kandidatët për zgjedhjet e pjesshme lokale të 6 marsit. Në një deklaratë për mediat, ajo tha se janë përzgjedhur dhe certifikuar kandidaturat për zgjedhjet e ardhshme lokale.
“Sa i përket pyetjes për zgjedhjet. Por të gjithë si gazetarë të vjetër e dini që PD ka kaluar në një proces të gjerë konsultimi para zgjedhjeve të 25 prillit. Janë prezantuar kandidatura që ashtu sic e përcakton statuti përbënin një grup njerëzish për t’u përzgjedhur në zgjedhjet e ardhshme lokale. Iu nënshtruan një analize e vetingu, ishte një komision që i certifikoi ata kandidatë, secili kishte të drejtën e kontestimit”, tha ajo.
Tabaku theksoi se PD do të prezantohet në këto zgjedhje me kandidaturat më të mria të mundshëm me një aleancë të gjerë opozitare dhe qytetarët.
“Zgjedhjet lokale të 6 marsit që ka dekretuar presidenti tregojnë faktin që ne e kemi përsëritur të degradimit të pushtetit të Ramës dhe të lidhur me krimin, Rama kërkonte të bënte aleancë me krimin. Kam bindjes se PD do të prezantohet me kandidatë më të mirë të mundshëm në këto zgjedhje. Do të shpallen shumë shpejt dhe brenda afatit të përcaktuar nga KQZ PD është e angazhuar për një aleancë të gjerë me të gjitha partitë e koalicionit opozitar dhe së dyti një aleancë me qytetarët për të përfshirë mendimin qytetar shoqërinë civile e individët pa parti, për t’i bërë ballë çdo palë zgjedhjeje. E rëndësishme është që PD do të përfaqësojë vullnetin e 670 mijë shqiptarëve që e votuan muaj më parë”, deklaroi Tabaku.
