Dritan Dervishi erdhi te Partizani pas largimit të Ilir Dajës në fund të vitit dhe nisi udhëheqjen e merkatos, si drejtor sportiv. Pas një nisjeje të vrullshme, aventura e re te të kuqtë nuk po shkon në mënyrën më të mirë të mundshme.
Mes Dervishit dhe drejtorit të përgjithshëm, Olsi Rama ka pasur disa mosmarrëveshje në ditët e fundit. Vasil Shkurtaj është një prej shkaqeve të këtij ngërçi mes tyre. Nëse sulmuesi ishte mirëpritur nga Dervishi, e kundërta ndodhi me Ramën dhe kjo prodhoi doza pakënaqësie kundrejt njëri-tjetrit.
Për të nënvizuar më shumë këtë ftohje mes drejtuesve, mund të theksojmë faktin se për herë të parë që nga rikthimi te Partizani, Dervishi dje nuk ka ndjekur stërvitjen e ekipit. Kjo situatë jobashkëpunuese e ka acaruar jo pak ambientin, por si gjithmonë, gjithçka e ka një zgjidhje. Pritet që të ndodhë një takim mes tyre, ku pritet të sqarohet dhe vendoset gjithçka.
