Ambasadorja amerikane në Tiranë, Yuri Kim, në një intervistë për ‘Now’ në Euro news, ka komentuar situatën politike në Shqipëri si dhe akuzat e DASH dhe shpalljen non-grata të ish-kryeministrit Sali Berisha.
Kim tha se informacionet e DASH nuk janë thashetheme, pasi ka vite që janë mbledhur informacione dhe janë përunuar, dhe vetëm në fund kur ekspertët u bindën dhe faktua provat e dorëzuan dosjen në tryezën e Sekretarit të SHtetit.
E pyetur nëse SHBA do të çojë prova në gjykatën franceze ku zoti Berisha ka paditur sekretarin Blinken, Kim tha jo sepse në Amerikë nuk funksionon kështu.
Pjesë nga intervista:
Mëhilli: Zonja Kim, shpallja e ish-kryeministrit Berisha non-grata për korrupsion apo minim të demokracisë, ku janë provat?
Kim: Ka të bëjë vërtetë me korrupsionin dhe procesi për dizenjimine dikujt për korrupsion domethenës nuk bëhet brenda ditës dhe nuk mund të zhbëhet. Ideja se kjo ëhstë hakmarrje politike apo se nuk na pëlqen pozicioni mbi Kosovën, gjëjë më e thjeshtë që të them ëhstë se kjo është fantazi. Më shumë se 200 persona janë dizenjuar nga DASH për korrupsion domethënës, ku janë qindra ekspertë që shohin çdo të dhënë, dhe kur arrin në tryezën e Sekretarit të Shtetit pavarësisht partisë apo administratës. Provat janë para syve tuaj. Ajo që ne po themi është se askush nuk është mbi ligjin. Nëse e përdor autoritetin për të shkelur ligjur dhe vjedhur vendin tënd, e pastaj për të përdorur forcën për politikën, kështu ka qenë për dia kohë. Biden vitin e shkuar nxori disa urdhëra ekzekutivë që t’iu kërkojnë llogari personave të përfshirë në korrupsion domethënës, apo minimin e demokracisë Pra kjo ska të bëjë me pikpamje politike, ka të bëjë me fakte, të cilat janë para syve të tu.
Mëhilli: Zonja Kim, ka zëra se informacionet për zotin Berisha janë marrë në rrugë publike apo akuza publike nga kundërshtari politik?
Kim: Jo apsolutisht jo! Marrim informacion publik dhe jo publik. Informacione të hapura dhe informacione jo publike. Përfshihen agjensi si departamenti i thesarit, FBI. CIA që shqyrtojnë faktet. Kështu ndodhin këto përcaktime, jo se dikush i tha diçka dikujt. Kjo ëhstë fantazi. Vendimet tona bazohen në fakte.
Mëhilli: A do të çoni prova në gjykatë?
Kim: Sapo ua thashë nuk ndodh ashtu. Nuk ndodh ashtu.
Mëhilli: Po çfarë ndodh? Zoti Berisha e ka hedhur në gjyq zotin Blinken, nëse do kërkohen prova?
Kim: Nuk do të komentoj për fantazi apo hipoteza, më pëlqen të jetojmë në një botë bazuar në fakte.
