Gazetarja Aranita Brahaj ka reaguar lidhur me situatën që po ndodh te zona 5 maji në Tiranë, atje ku banorët po nxirren dhunshëm nga banesat e tyre, për ti hapur rrugë një procesi rindërtimi, ndërsa çështja është në Gjykatë dhe pritet një vendim.
“Mos u befasoni me ngjarjet tek 5 Maji, mos qetësoni veten duke thene keta ishin ” te ardhur” pa letra.
Zona e Detyruar e Rindërtimit është dhe në Shkoze ( 3 deri 4 breza në Tiranë), në Kombinat ( 2 deri 3 breza), e madje disa DST 4 po evidentohen fare pranë Qendrës, në një nga segmentet buze Lanës”, shkruan gazetarja.
Sipas saj, ky është ligji famkeq që Qeveria Rama miratoi për Zbutjen e Pasojave të Termetit me Akte të Rënda Shpronësimi, në kundërshtim me të drejten themelore të pronës.
“Ka vetëm një menyre për të ndryshuar, iniciativë parlamentare. Por Parlamentarizmi në këtë vend është në ditë të zeza, ku gojet e liga thone se mafia e trojeve dhe ndërtimeve ka financuar fort per “blerje karrigesh””, shkruan gazetarja, e cila postimin e saj në rrjet e ka shoqëruar edhe me një foto mbi zonat e detyrueshme për rindërtim.
