Interi ka kaluar në çerekfinalet e Kupës së Italisë duke eliminuar Empolin në një ndeshje të çmendur që është zgjidhur vetëm në kohët shtesë.
Madje, kampionet në fuqi ishte shumë pranë eliminimit, por një gol i vonshëm i Andrea Ranokias ia siguroi shtesat pasi rezultati u barazua në 2-2.
Paraprakisht për Interin kishte shënuar Alexis Sanchez, ndërsa Nedim Bajrami dhe Patric Cutrone ishin përkujdesur për ta përmbysur rezultatin në 2-1.
Në shtesë, Interi u tregua skuadër më cinike dhe goli i Stefano Sensit në minutën e 104’ doli të jetë vendimtar për kualifikimin e zikaltërve në çerekfinale.
