I emëruar nga Lulzim Basha në krye të degës së PD në Fier, Agron Kapllanaj, ka ironizuar ish-Kryeministrin Sali Berisha, duke e cilësuar një plak të padëshëruar, që merr në telefon 10 njerëz për antimitingje.
Kapllanaj shkruan se Berisha do mbahet mend si një nongrata për korrupsion.
“Plaku i padëshëruar non-grata, me një grusht të vogël njerëzish, po bëhet gazi i botës duke bërë gjithçka që të vendosë disa njerëz të gënjyer përballë demokratëve që kanë vendosur të shohin nga e ardhmja jo nga e shkuara.
Por më kot e ka Sali Berisha që merr në telefon 10 njerëz e i detyron të bëjnë antimitingjet si në kohën e Ramiz Alisë. Por ai është vetëm një e shkuar e keqe për PD-në dhe gjithë shqiptarët, dhe emri i tij do mbahet mend si një nongrata për korrupsion”, shkruan Kapllanaj.
