Ambasadori i BE-së, Luigi Soreca është takuar me Sekretarin e Përgjithshëm në Ministrinë e Jashtme të Greqisë, Themos Demiris. Përmes një postimi në Twitter, Soreca ka ndarë detaje nga takimi. Një nga temat e diskutimit ishte dhe procesi i integrimit të Shqipërisë në Be. Sipas ambasadorit Soreca, Konferenca e Parë ndërqeveritare duhet të mbahet sa më parë.
“Kënaqësi që takova Ambasadorin Themos Demiris, Sekretar i Përgjithshëm i @GreeceMFA. Diskutuam mbi gjendjen e procesit të integrimit të Shqipërisë në BE. Konferenca e Parë Ndërqeveritare duhet të mbahet sa më shpejt të jetë e mundur. Është e rëndësishme që Shqipëria të mbajë fokusin në axhendën e reformave dhe të përgatitet për bisedimet e pranimit,” shkruan Soreca në Twitter.
Kënaqësi që takova Ambasadorin Themos #Demiris, Sekretar i Përgjithshëm i @GreeceMFA 🇬🇷. Diskutuam mbi gjendjen e procesit të integrimit të #Shqipërisë 🇦🇱 në #BE 🇪🇺. Konferenca e Parë Ndërqeveritare duhet të mbahet sa më shpejt të jetë e mundur. 1/2 https://t.co/3d6qJDrnDA
— EU in Albania (@EUinAlbania) January 18, 2022
