Në Serinë A, Gjykata Sportive ka dhënë verdiktin për ndeshjen Udinese-Salernitana e cila duhej zhvilluar më 21 Dhjetor por nuk u luajt pasi miqtë nuk u paraqitën në fushë.
Në ekipin ku luan Federic Veseli, kishte disa raste me covid-19 dhe ASL, autoriteti shëndetësor rajonal kishte vendosur karantiminim e detyrueshëm të ekipit.
Megjithëse ASL bllokoi Salernitanën, sot Gjykata Sportive vendosi një humbje 3-0 në tavolinë e për më tepër edhe 1 pikë penalizim në renditje.
Pra sipas vendimit, Salernitana nuk ka bërë gjithçka për të dalë në fushë, pavarësisht kufizimeve të vendosura nga ASL vendase ndaj dhe vendimi është humbje 3-0.
Salernitana tashmë do të mund të ankohet në Gjykatën e Apelit të FIGC, në rast mospranimi do të ketë si kartë të fundit, Kolegjin e Garancisë së Sportit.
