Kjo javë parashikohet të sjellë ndryshueshmëri në situatën meteorologjike.
Sipas Shërbimit Meteorologjik Ushtarak, dita e sotme do të ketë mot me kthjellime e vranësira deri të dendura të cilat do të pasohen nga reshje shiu e dëbore në zonat malore.
Më tej, deri ditën e mërkurë, do të mbizotërojë moti i kthjellët.
Ditën e enjte në mesditë e pasdite parashikohet ndryshim në situatën meteorologjike ku do të nisin reshjet e shiut e dëborës në zonat malore.
Dita e premte do të sjellë reshje e shtrëngata në të gjithë bregdetin e zonat e ulëta, ndërsa dëbora do të mbërrijë deri në lartësitë kodrinore të vendit. Në veri e verilindje ajo do të jetë e dendur.
Era do të fryjë nga juglindja e veriu hera herës e vrullshme në bregdet e lugina.
Valëzimi në dete i forcës 3-4 ballë.
Gjatë ditëve me temperatura të ulëta do të ketë ngrica të forta në akset rrugore.
