Stilisti i njohur italian, Nino Cerruti ka ndërruar jetë në moshën 91-vjeçare. Ai u nda nga jeta në një spital në Vercelli, në rajonin Piemote të Italisë veriperëndimore, ku i ishte nënshtruar një operacioni në kofshë.
Cerruti futi ‘casual chic” në modën luksoze të meshkujve. Në vitet 1070, ajo konsiderohej si një meritë e elegancës rastësore, por ai mendoi se termi “elegancë” kishte një shije të tmerrshme të së vjetrës, duke preferuar kuptimin e “stilit”.
“Të kesh stil do të thotë të ndërthurësh kulturën me artin”, sipas Cerruti.
I lindur më 25 shtator 1930 në Biela, Cerruti u detyrua të braktisë studimet për filozofi në moshën 20 vjeçare, pas vdekjes së babait, për të marrë në dorë fabrikën e tekstilit familjar, duke lënë ëndrrën e tij për t’u bërë gazetar. Në vitet 1960, ai u takua me Giorgio Armani, i cili në ato kohë nuk njihej.
Cerruti e punësoi atë si stilist për modën e meshkujve. Dyshja, e cila ndikoi ndjeshëm në botën e modës, u “divorcuan” një dekadë më vonë, pas vendimit të Armanit për të themeluar shtëpinë e tij të modës në 1975.
Ndër aktivitetet e tij të shumta, Nino Cerruti, i cili u nderua me çmimin “Knight of Labor”, ishte edhe stilisti zyrtar i ekipit të Ferrarit në “Formula 1”.
