Reperi i famshëm shqiptar, i ftuar në “Why?Not”, tha se lekët dhe gratë nuk tregohen. Ndërsa pohon se edhe pse të qenurit politikan nuk është e vështirë, ai vetë nuk do ta bënte, duke thënë se preferon të qendrojë artist.
Pjesë nga intervista:
Roza Lati: Shqiptarët kanë shumë merak të dinë se sa lekë ke.
Noizy: E di, por lekët dhe femra nuk tregohen.
Roza Lati: Ke menduar ndonjëherë të bëhesh kryetar bashkie i Durrësit? Çfarë slogani do kishe?
Noizy: Nuk është zor i madh të bëhesh kryetar bashkie. Unë ndoshta nuk di të flas bukur e rrjedhshëm, por premtimet që jap i mbaj, e i çoj deri në fund. Nëse do bëhesha do i hapja punë vetes, sepse unë bëj shumë për njerëzit. Në Durrës ka shumë banorë e nuk mund të bëj për të gjithë njerëzit. Më mirë të rri artist, e i dashur për popullin se sa të bëhem politikan, sa do të mira do bësh, do të gjejnë një të metë dhe do bëhesh politikani që do urrejnë njerëzit.
