“Ishte sikur po bëhej tërmet kur kaloi pranë nesh”, këto janë fjalët e dëshmitares e cila përshkruan momentin pak minuta përpara se “Ferrari” të dilte nga rruga dhe të humbte jetën vëllai i deputetes greke, Katerina Monogyou. Ngjarja ndodhi të Enjten mbrëma në Greqi, ndërsa makina e drejtuar nga vëllai i deputetes greke u përplas me një pemë.
Sipas mediave helene, ishte shejtësia e lartë ajo që bëri George Monogyios të humbte kontrollin, të dilte nga rruga dhe automjeti luksoz të përfshihej nga flakët duke bërë që 45-vjeçari, babai i dy fëmijëve të humbte jetën.
Në makinë Georgos nuk ishte vetëm, por me bashkëshorten e tij e cila është transportuar në spital për shkak të plagëve të rënda që ka marrë në trup si pasojë e aksidentit.
Siç shihet edhe nga videot e publikuara, makina është shkatërruar plotësisht.
Deputetja Katerina Monogyou ende nuk ka thënë asnjë fjalë publikisht për ngjarjen tragjike.
