Deputeti Luçiano Boçi ka denoncuar në rrjetet sociale skandalin e emërimit si drejtor shkolle të një personi të shkarkuar më parë për shitjen e materialeve të shkollës.
Boçi shkruan se Hysen Koldashi, u shkarkua nga drejtor i shkollës 9-vjeçare Hilari Klinton Kamëz në Maj 2020, pas publikimit te Fiksit, për shitjen e materialeve të shkollës.
“Por kjo nuk është konsideruar dhe dje, ish-drejtori i shkarkuar, është emëruar përsëri drejtor.
Tani në shkollën Ahmet Zogu Kamëz.
Mësuesit janë të revoltuar dhe denoncojnë rastin.
Emërimi i personave me precedentë të tillë është bërë tashmë normë.
Mjafton të jenë militantë politikë!”, shkruan Boçi.
Pak javë më parë u denoncuar rikthimi në sistemin arsimor të një mësuesi të dënuar për pedofili, ndërsa pas presionit mediatik dhe reagimeve të shumta, Drejtoria Arsimore e Beratit, e largoi nga shkolla ku ishte emëruar.
