“Ishte e pritshme që numrat të rriteshin, jemi në sezonin e dimrit dhe çdo virozë përhapet në këtë stinë. Omicroni mund të përhapet shpejt, por ka një ndikim më të ulët në sëmundshmëri. Aktualisht, një pjesë e madhe e popullatës së botës është vaksinuar ose ka krijuar imunitet natyror. Nuk duhet të fokusohemi shumë në rastet e reja, por shtrimet spitalore dhe ndërrimet e jetëve. Nëse unë sot jam i infektuar, por nuk kam simptoma, kjo nuk më bën të sëmurë”.
Kështu u shpreh epidemiologu Taulant Muka teksa foli këtë mëngjes në Dita Jonë në lidhje me valën Omicron dhe ecurinë e pandemisë.
Ai theksoi se situata aktuale nuk do të përsëritet më dhe sapo të kalojë dimri do të shkojmë drejt normalitetit. “Jam shumë optimist se me kalimin e dimrit do të kthehemi drejt një normaliteti. Mund të ketë ndërhyrje me masa të vogla gjatë vjeshtës së ardhshme, por jo në këto situata që jemi aktualisht”.
