Kryeministri Edi Rama duket se ka fiksim timonin. Në 2017 të gjithë fushatën për zgjedhjet parlamentare e ndërtoi mbi timonin e qeverisjes, duke kërkuar që shqiptarët ti besonin qeverisjen pa mbajtur tjetërkënd në prehër. Në atë kohë e kishte fjalën për aleancat që mund ti duheshin për qeverisjen e vendit.
E ndërsa në njërën anë thotë se nuk di të drejtojë makinën pasi nuk ka patentë, edhe sot 5 vjet nga koha kur kërkonte timon dhe shfaqej me timon, Ramës sërisht i ka mbetur në mendje timoni.
Sot ka shfrytëzuar rastin për tu shfaqur si kapiten anijeje.
“Një ditë mbresëlënëse në aeroplanmbajtësen “Harry S. Truman”, e cila po kryen një stërvitje intensive në ujërat tona territoriale, së bashku me forcat e marinës shqiptare”, shkruan Rama, duke postuar edhe fotot përkatëse.
E ndërsa si kapiten i qeverisë, duke pasur timonin i vetëm, po fundos vendin me skandale të pafundme, fatmirësisht i ulur si timonier apo kapiten në aeroplanmbajtëse, Rama nuk ka shkaktuar ndonjë dëm, të paktën sipas raportimeve.
