Një ngjarje e pazakontë vjen nga Shtetet e Bashkuara të Amerikës, ku në qendër të saj janë dy efektivë policie.
Gjykata e Apelit në Kaliforni konfirmoi pushimin nga puna të dy efektivëve pasi kishin refuzuar të bënin detyrën e tyre për një arsye tepër të çuditshme.
Të fiksuar pas lojës “Pokémon GO”, efektivët i “bënë bisht” punës pasi ishin në ndjekje të një Pokemoni.
Apeli zbuloi se çifti i policëve kishte injoruar thirrjen për një grabitje, sepse ata ishin shumë të zënë me kapjen e një Snorlax, një krijesë mitike nga loja e realitetit të shtuar të Niantic.
Vendimi thotë se dy oficerët e policisë së LA dyshohet se kanë luajtur Pokémon GO për gati njëzet minuta pasi kanë injoruar kërkesën.
