Deputeti Flamur Noka, pasi ka dalë nga prokuroria, në një deklaratë për mediat është shprehur se i ka kërkuar prokurorisë që të hetojë dhunën e ushtruar ndaj demokratëve nga policia e shtetit.
Po ashtu ai tha se i ka kërkuar prokurorisë që te hetojë Spartak Brahon që sipas tij ka hapur terror dhe Lulzim Bashën, të cilin e quan “pengu”.
“Më datë 8 janar shqiptarët dhe ndërkombëtarët, panë që bunkeri krijuar në selinë e PD, nga pengu ishte i ideuar nga pengmarrësi. Ne sot me urdhër të pengmarrësit isha i thirrur në prokurori për një protestë demokratike dhe më paqësorja e zhvilluar ndonjëherë. Unë i bëra thirrja prokurorisë për një mashtrim publik, që pengu ju ka bërë shqiptarëve dhe ndërkombëtarëve më1i8 dhjetor, duke sajuar për numra të gënjeshtra. I bëra thirrja prokurorisë të hetojë dhunën e ushtruar nga policia në shtëpinë e tyre. I bëra thirrje prokurorisë që të hetojë për Spartak Brahon, që ka përhapur terror ndaj demokratëve. Shtetit dhe pushteti duhet të hetojnë pengun dhe banditët me të cilët kishte mbushur shtëpinë e lirisë”, tha ai.
