Noka: Nga Basha te Bizhga, ja personat që duhen hetuar nga Prokuroria

Deputeti Flamur Noka, i cili qëndroi rreth 3 orë në Prokurorinë e Tiranës, ku ka dëshmuar për protestën e 8 janarit, tha se iu kërkua të paraqitej me urdhër të pengmarrësit të Lulzim Bashës, Edi Ramës.

Noka tha se ka kërkuar nga Prokuroria që të hetojë mashtrimin e Lulzim Bashës me Kuvendin e 18 dhjetorit, duke shtuar se ai ka fallsifikuar firmat, por ka përfshirë në lista si delegatë edhe persona të vdekur.

“I bëra thirrje Prokurorisë që të hetojë dhunën ndaj demokratëve, por edhe të hetojë Spartak Brahon, që përhapi lajme me thriller.

LEXO EDHE  Aventura e fundit e Kolonel Bunker

I kam kërkuar Prokurorisë të hetojë edhe Sokol Bizhgën për dhunën ndaj demokratëve.

Prokuroria duhet të hetojë edhe Lulzim pengun, që e kishte mbushur selinë e PD me kriminelë”, tha Noka.

Ai tha se protesta e 8 janarit ishte paqësore, ndërsa ata u përballën me dhunën jo vetëm të mercenarëve të Lulzim Bashës, por edhe Policisë së Edi Ramës.

“Pengu, shtëpinë e lirisë, nuk e mban dot peng. Edi Rama mund të mbajë peng përjetë pengun e tij Lulzim Basha, por jo shtëpinë e demokratëve”, tha Noka.