Klubi i Partizanit vazhdon të jetë shumë aktiv gjatë merkatos së janarit, duke synuar që të përforcojë radhët me elementë që mund t’i garantojnë sa më shumë alternativa trajnerit Mehmeti për pjesën e dytë të edicionit. Lëvizja e fundit e të kuqve është afrimi i një futbollisti për krahun e djathtë, duke siguruar një emër i cili të mund të luajë në shumë pozicione.
“Panorama Sport: ka mësuar se të kuqtë kanë gjetur akordin dhe janë shumë pranë firmës me mbrojtësin Andi Hadroji. Lojtari i cili ka luajtur te Bylisi në edicionet e fundit, ka treguar se përvecc lojës në prapavijë, di të përshtatet edhe pak më i avancuar në mesfushë e kështu shihet si një alternativë e vlefshme që mund të mbulojë disa role.
Palët kanë gjetur gjuhën e përbashkët, ashtu si edhe klubi i kuq me ballshiotët, për të bërë të mundur transferimin e Hadrojit në kryeqytet dhe për ta vënë atë nën urdhrat e Mehmetit.
