Analisti Andi Bushati ka reaguar pas një interviste të zv.Ndihmës Sekretarit amerikan të Shtetit, i cili duke komentuar zhvillimet në Partinë Demokratike, tha se zgjidhja nuk mund të vijë nga aktet e dhunës, por nga kutia e votimit.
Bushati në reagimin e tij në rrjetet sociale, shprehet se demokracia dhe vota, që u asgjesuan në 9 shtator, nuk mund të afrohen si zgjidhje pas 8 janarit.
Bushati rendit në postimin e tij vendimet e Lulzim Bashës, që nga përjashtimi i Sali Berishës nga Grupi Parlamentar, duke mos respektuar vendimmarrjen me votë, deri te shantazhi që mos ushtronte zgjidhje demokratike.
Postimi nga Andi Bushati
E dëgjova Escobar kur tha: “Mendoj se është për të ardhur keq që dikush do të përdorë dhunën dhe jo kutinë e votimit në një përpjekje për të marrë nën kontroll një parti politike”.
Po kam një pyetje: kush e shantazhoi Bashën qe mos ushtronte zgjidhje demokratike?
Kush i tha atij bëj perjashtim personal për një deputet që e kishin çuar në Parlament, me voten e tyre, demokratët?
Kush i tha do hani bar po vepruat sipas bindjes tuaj?
Pra demokracia dhe vota, që u asgjesuan në 9 shtator, nuk mund të afrohen si zgjidhje pas 8 janarit.
