Interi ka siguruar sot SuperKupën e Italisë, duke mundur pas kohëve shtesë Juventusin me shifrat 2-1. Ekipi zikaltër ka triumfuar në një ndeshje dramatike, të vendosur nga goli i Aleksis Sançez në minutën e 121-të.
Ndeshja nisi më mirë për zikaltërit që sulmuan vazhdimisht për të gjetur menjëherë golin ndërsa pati polemika për një ndërhyrje të Chiellinit ndaj Barella që nuk u pa si penallti. Në momentin më të mirë të zikaltëve, bardhezinjtë kalojnë të parët në avantazh me McKennie me kokë ndërsa në 33’ ndërhyrja e De Siglio ndaj Dzeko nuk mund të shmangej dhe VAR konfirmon penallti. Lautaro Martinez nuk gabon dhe vë barazpeshën teksa fraksioni i dytë foli sërish më mirë për skuadrën e Inzaghit.
Gjithsesi asnjë prej ekipeve nuk gjeti dot rrjetën duke çuar skuadrat në shtesë dhe në 30 minuta lojë megjithëse Interi po bënte më mirë, askush nuk po shënonte deri kur në aksionin e fundit, Darmian vjedh një top që shkon te këmbët e Alexis Sanchez i cili nuk gabon.
Për Interin është trofeu i gjashtë në histori i Superkupës dhe sonte e merituan plotësisht këtë sukses.
