Zv.Ndihmës Sekretari amerikan i Shtetit, Gabriel Escobar, ka pohuar në një intervistë për Zërin e Amerikës, se ish-Kryeministri Sali Berisha është e mundur të ketë shumë mbështetës.
Gjithsesi Escobar u shpreh se nuk do të flasë për Berishën, por për të ardhmen e Shqipërisë, të cilën e konsideroi të ndritur, nëse vijonte në rrugën euro-atlantike.
Në këtë intervistë Escobar dënoi dhunën gjatë protestës së 8 janarit, ndërsa u shpreh se konfliktet zgjidhen me votë.
“Është për të ardhur keq që dikush përdor dhunën e jo kutit e votimit në përpjekje për të marr nën kontroll një parti politike.
Ne e dënojmë këtë. Jo çdokush që pretendon që është anëtar i Partisë Demokratike është një partner i rëndësishëm i joni tani.
Ne do të jemi shumë të angazhuar në proces, jo vetëm në Serbi dhe Kosovë, por në përgjithësi në rajon dhe jo vetëm për çështje politike, por edhe për çështje ekonomike”, tha ai.
Pavarësisht interpretimeve të deklaratave të zv.Ndihmës Sekretarit amerikan të Shtetit, ajo që të paktën ka ndodhur në politikën shqiptare, veçanërisht nga zhvillimet në PD, është fakti se Lulzim Basha, ka refuzuar zgjidhjen e përplasjeve në PD përmes votës. Bashës i është kërkuar të hyjë në një garë ose të votëbesohet, gjë që deri më tani është refuzuar.
Zëri i Amerikës: Megjithatë, duket se mbështetësit e tij po e përkrahin fuqishëm dhe duket që ai të ketë shumë të tillë…
Gabriel Escobar: Po, është e mundur. Por nuk dua të flas për Berishën. Dua të flas për të ardhmen e Shqipërisë dhe të ardhmen e marrëdhënieve shqiptaro-amerikane.
