Deputeti Luan Baçi ka reaguar lidhur me vendimin e bërë publik nga Lulzim Basha dhe mbështetës të tij, sipas të cilit ish-Kryeministri Sali Berisha, dhe disa anëtarë të Komisionit të Rithemelimit janë përjashtuar nga PD, ndërsa të tjerë anëtarë janë pezulluar.
Në reagimin e tij, Baçi shprehet se Lulzim Bashën se merr më njeri seriozisht, ndërsa i konsideron veprimet e fundit si qesharake.
“Ne e njohim statutin, këto janë veprime qesharake dhe askush nuk i merr më seriozissht.
Kuvendi është organi më i lartë dhe vendimet e tij janë të patjetërsueshme. Vetëm një Kuvend tjetër mund të marrë vendime. Një kryetar që nuk është më kryetar si ka mundësi të bëjë një shoë të tillë, njerëz që janë mbyllur në kullë dhe nuk përballen me demokratët dhe janë bërë sinqerisht qesharakë.
Nuk ka asnjë lajm, asnjë vendim!
Marrin vendime për hesap të tyre dhe për tu vetkënaqur.
Ata nuk mbledhin dot strukturat e tyre nëpër degë, dhe nuk e di si merren këto vendime.
Po përpiqen të shkatërrojnë punën e Partisë Demokratike por nuk do ja arrijnë.
Basha është një deputet i thjeshtë i PD, ai s’ka tager dhe as kompetencë të marrë vendime e jo më të marrë masa apo të jape shanse”, shprehet Baçi.
