Një mjet në lëvizje ka marrë flakë në rrugën e “Arbrit”. Policia bën me dije se si pasojë mjeti me drejtues E.G. është djegur pjesërisht.
“Me datë 11.01.2022, në rrugën e “Arbrit”, ka marrë flakë në lëvizje e sipër dhe është djegur pjesërisht, mjeti me drejtues shtetasin E.G.”, njofton policia.
Paraprakisht, dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit, shtuan të njëjtat burime.
