Deputetja Grida Duma ka bërë një propozim paksa të çuditshëm lidhur me situatën që po kalon Partia Demokratike, ndërsa Lulzim Basha ka vendosur përjashtimin e përjetshëm nga partia të ish-Kryeministrit Sali Berisha dhe 7 anëtarëve të Komisionit të Rithemelimit, si dhe pezullimin e 19 anëtarëve të tjerë të këtij Komisioni.
Duma tha se kjo situatë nuk mund të vazhdojë kështu, ndërsa kërkoi hapjen e dyerve të selisë, të cilat jo vetëm janë blinduar, por janë veshur edhe me llamarina nga pjesa e jashtme.
“Të mbrohet vetëm zyra e Kryetarit nëse është e nevojshme”, mësohet të ketë propozuar Duma, e cila ka shtuar se nuk mund të kompleksohemi nga një grup personash.
