Enkelejda Rica, kryetare e FRPD, dega Kurbin, shprehet se PD nuk do mbetet peng i dhunës.
Në një deklaratë të bërë publike nga Zyra e Shtypit e Lulzim Bashës, Rica thotë se në 8 janar Sali Berisha paralajmëroi dhe realizoi në sytë e mbarë publikut shqiptar dhe të huaj sulmin më të dhunshëm kundër Partisë Demokratike.
“Ndonëse e dinte fare mire që në atë seli, në atë moment, ndodheshin demokrate, deputete, gra, burra dhe të rinj.
PD nuk do mbetet peng i dhunës së një njeriu që nuk kurseu asgjë dhe ishte gati të sakrifikonte jetën e çdo demokrati.
Ne jemi më të fortë se dhuna dhe duhet të bashkohemi për t’u distancuar prej saj dhe për ta lënë pas njëherë e mirë të shkuarën që u shfaq në mënyrën më të turpshme më 8 janar!”, shprehet ajo.
