Policia greke ka arrestuar një shqiptar i cili tentoi të kalojë gati 7 kilogramë hashash në territorin grek përmes kufirit. Ai ka provuar ta kalojë drogë duke ecur në këmbë dhe manovruar kufirin së bashku me 7 kilogramë hashash që barte në çantën e tij të udhëtimit.
Ai është lokalizuar nga policia në Igumenicë dhe më pas është ndaluar nga efektivët të cilët pas kontrollit i kanë gjetur gjashtë pako me hashash të papërpunuar me peshë gjashtë kilogramë e 920 gramë, si dhe janë konfiskuar 100 euro së bashku me celularin që kishte me vete, shkruan Prothema.
