Kryeministri Edi Rama në orën 8:30 ka zhvilluar një mbledhje me drejtuesit e qarqeve, e para për vitin 2022. Kreu i qeverisë është larguar nga selia e PS pas më shumë se 30 minutash që qëndroi për diskutime me drejtuesit e qarqeve.
Raportohet se Rama ka udhëzuar drejtuesit politikë të qarqeve për të pasur në fokus riorganizimin e strukturave për shkak edhe të disa vendimeve të marra në asamblenë e fundit të PS-së. Ndërkohë ende nuk është vendosur data për mbledhjen e asamblesë së radhës, por ka qenë pjesë e diskutimeve të ditës së sotme.
Në fokus ka qenë edhe përgatitja për zgjedhjet e ardhshme vendore. Rama ka bërë thirrje që fokusi të jetë tek elektorati dhe qytetarët. Kreu i qeverisë u ka kërkuar drejtuesve politikë një përmbledhje të analizës për zgjedhjet e 25 Prillit.
Ndërkohë, më 15 Janar, që është edhe 30 vjetori i FRESSH pritet që të organizohet një aktivitet. Po ashtu, është vendosur që ditën e nesërme të ketë një mbledhje kryesie të PS.
