Janë rikthyer reshjet e dëborës në juglindje të vendit, si rezultat i temperaturave të ulëta.
Reshjet e dëborës kanë nisur në Korçë duke vështirësuar edhe qarkullimin e automjeteve.
Aktualisht raportohet se aksi rrugor Korçë-Dardhë është i kalueshëm pjesërisht për automjetet e pajisur me zinxhirë.
Mësohet se policia rrugore po bën kontrolle duke mos lejuar qarkullimin e makinave që nuk kanë zinxhirë apo goma dimërore.
Deri më tani në akset e tjera rrugore nuk ka probleme sa i takon lëvizjes së makinave për shkak se prezenca e dëborës nuk ka shkaktuar vështirësi në qarkullim.
