Djali i këngëtares irlandeze Sinead O’Connor, Shane, ka ndërruar jetë dy ditë pasi ishte raportuar i zhdukur. Ka qenë vetë këngëtarja ajo që ka konfirmuar lajmin e trishtë, ku me anë të një postimi në Twitter ka zbuluar se djali i saj kishte kryer vetëvrasje.
Mediat e huaja raportojnë se O’Connor ka deklaruar se do të padisë spitalin që la të dilte jashtë djalin i cili kishte tentuar edhe më parë t’i jepte fund jetës.
“Si mundet që një 17-vjeçar i trazuar dhe në mbikqyrjeje vetëvrasjeje të humbas nga spitali “Tallaght Hospital”? Spitali refuzon të mbajë përgjegjësi për detyrën e tyre. Vjen padia”- tha Sinead.
