Aksidenti në autostradën Tiranë-Durrës, arrestohet shoferi i ambulancës

Ka rënë në pranga ditën e sotme shoferi 49-vjeçar i një ambulance që vinte nga Fieri, pasi mbrëmjen e djeshme ka shkaktuar një aksident ku u përfshinë disa makina.

I arrestuari është A. H., 49 vjeç, dhe akuzohet për veprën penale “Shkelja e rregullave të qarkullimit rrugor”.

49-vjeçari raportohet se duke drejtuar mjetin autoambulancë, është përfshirë në një aksident me disa mjete, në autostradën Durrës-Tiranë.

LEXO EDHE  Sulltani viziton Shqipërinë, ja rrugët që do jenë të bllokuara nesër

Si pasojë e aksidentit janë dëmtuar shtetasit: P. Z., 35 vjeç, K. V., 27 vjeçe, A. Z., 26 vjeçe dhe R. B., 39 vjeçe, të cilët ndodhen në spital, nën kujdesin e mjekëve, jashtë rrezikut për jetën.