Nga Elona Caslli
Unë duhet të besoj se kullëzimi i një qyteti të tërë dhe dëmi i pazhbëshëm brenda këtij të fundit erdhi për shkak të Berishës?!
Unë duhet të besoj se 500.000 shqiptarë të larguar për tetë vite, u larguan për shkak të Berishës?
Unë duhet të besoj se ambasadorja amerikane mban një narkoshtet në këmbë për shkak të Berishës?!
Unë duhet të besoj se Reforma në Drejtësi dështoi për shkak të Berishës?!
Unë duhet të besoj se të gjitha fatkeqësitë në vend kanë ardhur prej Berishës?
Unë duhet të besoj se e gjithë droga dhe krimi na qeverisin për shkak të Berishës?
Ja e dërguam Berishën për një çast në shtëpi dhe e kyçëm që të mos dalë më.
Më thoni të nderuar shqiptarë si vazhdon historia më pas ?!
Do të shkojë para drejtësisë Veliaj për shembjen e Teatrit Kombëtar dhe kullëzimin e një qyteti të tërë?!
Do të shkojë para drejtësisë Rama për të gjitha dëmet që ka bërë dhe për ekzistencën e Partisë Shtet?
Do të ndërgjegjësohet krejt papritur ambasadorja amerikane dhe do të thotë: Tani që iku Berisha, ka ardhur koha të vëmë drejtësinë në vend?!
Do të merret në shqyrtim masakra zgjedhore dhe Partia Shtet e Rilindjes ?!
I bëj këto pyetje se nuk më rri kurrkund logjika se pa ikur Berisha, nuk vihet drejtësia në vend.
Post Scriptum- Berisha më duket thjesht një alibi për të përligjur mandatin e tretë të Edi Ramës sikundër për ta shndërruar opozitën në një shtojcë të pushtetit.
