Ish-deputetja e PD Mimoza Hadarmataj, në një lidhje Skype, për Fax News tha se skenat në protestën e djeshme ishin të dhimbshme jo vetëm për demokratët, por për të gjithë shqiptarët.
Hadarmataj theksoi se Lulzim Basha është bashkë me Edi Ramën në mbajtjen me forcë të vulës dhe karriges, dhe se 8 janarin nuk do ia falë asnjë prej demokratëve, të cilët u masakruan sipas saj nga grupe me mjete luftarake.
Hadarmataj, si anëtare e Komisionit të Rithemelimit, tha se nuk ka më asnjë konsensus që mund të arrihet me Bashën dhe se shumë shpejt demokratët do lejohen në shtëpinë e tyre.
“Basha nuk është vetëm në këtë çmenduri, është me Ramën!
Edhe demokratët që kanë firmosur e dinë këta, por gjithë pjesa tjetër e dyzuar që ndoqi skenat e dhunshme e kuptoi se Basha është me Ramën. Fjalët e tij janë farsa, ai është paterica e Ramës për ta mbajtur në pushtet.
Protestat janë mekanizëm në demokracie, është prova që Basha dhe Bardhi të cilin nuk e konsideroj janë fajtorë në gjithë këtë gjënë që po përgatitet, atyre iu çorr maska që mbanin në fytyre. Është shqetësim kombëtar, sepse opozita është shpresë. Ne nuk ja falim as Bashës, as atë që Rama ka bërë në gjithë këto vite. Basha ishte i bunkerizuar dje, si Hitleri.
Selia e kthyer në bunker me disa dyer të blinduara, e pajisur me lëndë helmuese për tu hedhur ndaj atyre që i kanë votuar dhe i janë përgjigjur cdo thirrjeje e aksioni.
Shqiptarët nuk janë më si në kohën e Enverit për të mos dalluar propagandën. Basha ishte në seli i trembur dhe thirri Ramën për mbrojtje, ndërsa Berisha edhe pse ishte i shënjestruar, gazi hidhej para këmbëve të tij. Demokratët janë masakruar dje dhe këtë ato nuk do e harrojnë kurrë.
Gabimi ynë i vetëm ishte se akoma mendonim se Basha nuk është ai që është, i lamë kohë dhe të reflektonte ndërsa ai e shfrytëzoi për të bunkerizuar selinë e PD. Aty kishte njerëz të armatosur dhe me mjete luftarake ndërsa demokratët erdhën me duar në xhepa. U gjendëm të befasuar, hymë në seli nuk na u lejua të bënim mbledhje në shtëpinë tonë. Nëse dyshja është e vendosur dhe ne jemi të sigurt për të qenë zot në shtëpinë tone.
Do të ishte mirë të ulej me cdo demokrat të Shqipërisë dhe të japë dorëheqjen nga fortifikimi dhe nga mbajtja e selisë. Kemi parë deputet me shkop në dorë dhe njerëz që kanë gjakosur protestues dhe përdorimin e lëndëve helmuese dhe kush i ka shitur ato. Faktet janë dhe mediatike”, tha Hajdarmataj.
