Gjatë ndërhyrjes për shpërndarjen e protestuesve, policia ka hedhur gaz lotsjellës dhe ka përdorur makinat ujëhedhëse edhe ndaj gazetarëve dhe operatorëve.
Disa prej tyre janë lënduar nga dhuna policore.
Fotoreporteri Felix Bilani përmes një postimi në rrjetet sociale shfaqet në gjendje të rënduar shëndetësore, duke marrë ndihmë mjekësore.
“Ora News” ka raportuar se tre operatorë dhe një gazetar janë dëmtuar me gaz lotsjellës dhe ujë të hedhur nga policia që ndërhynë në selinë e PD-së.
Edhe televizioni “Fax News” ka raportuar se një kameramani i është hedhur ujë me presion nga ana e forcave të policisë.
Të tjerë punonjës së mediave kanë shfaqur probleme shëndetësore nga gazi i hedhur nga policia.
