Deputetja Flutura Açka iu drejtua me një mesazh demokratëve, në prag të nisjes së protestës në selinë e kësaj partie, të thirrur nga Komisioni i Rithemelimit, pasi më parë, Lulzim Basha ka mbyllur dyert për ata që i konsideron si kundërshtarë të tij.
Açka thekson se demokratët kanë fjalën, jo forcën, duke shtuar se kush nxit përplasjen sot do të dënohet nga historia.
“Ne jemi 80 mijë demokratë, por duhet të respektojmë me paqen dhe civilizimin tonë ata 600 mijë shqiptarë që na votuan më 25 prill 2021. Ata, që i kishin varur kaq shpresa te ne, janë të trishtuar të na e shohin aq hapur etjen për të shqyer familjarin tonë, demokratin përballë”, shkruan Açka në rrjetet sociale.
Mesazhi i Flutura Açkës
Demokratët janë 💙, jo mure, jo dritare, jo orendi!
Demokratët janë paqja, jo urrejtja, jo linçimi, jo fyerja!
Demokratët janë Liria, jo dhuna, jo djegia, jo shkatërrimi!
Demokratët janë Ligji, jo muskujt.
Demokratët janë Fjala, jo forca.
Në jemi 80 mijë demokratë, por duhet të respektojmë me paqen dhe civilizimin tonë ata 600 mijë shqiptarë që na votuan më 25 prill 2021. Ata, që i kishin varur kaq shpresa te ne, janë të trishtuar të na e shohin aq hapur etjen për të shqyer familjarin tonë, demokratin përballë.
Ata nuk do të na e falin kurrē qoftë një gur të hedhur sot, as qoftë miniaturat e skenarëve dumbabaiste të vitit 1998.
Kush nxit përplasje të demokratëve mes vedi sot, e dënoftë historia!
