“Duhet ndëshkuar dhuna”, u shpreh deputetja Grida Duma nga selia e PD, duke u shprehur se distancohet nga dhuna e Sali Berishës.
Ajo tha se është e rëndë kjo që ndodhi. “E vjetra duhet të largohet, boll më me një të vjetër që duhet të largohet dhe nuk e di se ku e ka vendin në histori. Çfarë tju them se goditjet e dyerve ishin gjë normale. Ne duhet ta zgjidhim të gjithë bashkë. Dolëm në tarracë se nuk rrihej më brenda nga gazi i përdorur”, tha Duma.
Në fakt gazi lotsjellës u hodh ndaj demokratëve protestues nga brenda selisë së PD dhe problemet që i janë shkaktuar deputetes Duma dhe të tjerë mbështetësve të Lulzim Bashës të mbyllur në seli, pikërisht ua ka shkaktuar ky gaz.
Duma tha se deputetët që ishin protestues duhej të hynin në seli dhe të gjenin një zgjidhje, një kompromis, por jo të zgjidhej dhuna, dhuna e cila ishte e Sali Berishës.
“Moment i rëndë, ska demokrat që mund të sulmojë një demokrat. Unë nuk besoj te dhuna, as te saldimi i dyerve”, tha ajo.
r
