“Pa gjak nuk e lëshojmë” Berisha: Kam prova, zëdhënësit e Bashës kanë kërcënuar se do ketë viktima

Ish kryeministri, Sali Berisha ka zbuluar mbrëmjen e sotme, se disa prej zëdhënësve më të afërt të Lulzim Bashës kishin kërcënuar se nuk do e lëshonin selinë e PD pa derdhur gjak.

Berisha tha se i kishte provat në telefon ku këta persona (zyrtarë të PD) kanë bërë kërcënime të frikshme deri në stadin ku paralajmërohet se nesër do kishte viktima.

“Kemi dokumenta ku zëdhënësit më të afërt të Lulzim Bashës kanë kërcënuar se do ketë viktima të nesërmen dhe kanë thënë se pa gjak nuk e lëshojnë selinë. I kam provat në telefon. Ne do shkojmë të hapim dyert e shtëpisë tonë. Po i hapi Lulzim Basha ne nuk përdorim asnjë mjet. Ne nuk dhunojmë kurrë, është shtëpia jonë ajo, ata janë punonjës së PD”, tha ish-Kryeministri.

LEXO EDHE  Berisha kujton ndarjen nga jeta të Skënderbeut: Forca e identitetit tonë kombëtar perëndimor si princi i pavdekësisë së kombit shqiptar