Kadri Veseli humbi nënën e tij, familjarët prekin me fjalët e tyre: Nuk e dimë a e ka marrë vesh lajmin

Me qindra qytetarë, familjarë, bashkëluftëtarë dhe përfaqësues nga Partia Demokratike e Kosovës, kanë marrë pjesë në varrimin e nënës së Kadri Veselit, i cili ndodhet në paraburgimin e Hagës.

Në varrezat e fshatit Broboniç të Mitrovicës, pasditen e sotme është varrosur 93 vjeçarja, Ajshe Veseli. Në ceremoninë e varrimit nuk ka marrë pjesë ish-kryetari i kuvendit, Kadri Veseli. Mediat në Kosovë raportojnë se familjarët kanë thënë se nuk janë të informuar nëse e kanë lajmëruar për vdekjen e nënës së tij.

LEXO EDHE  SKANDAL/ Mi i ngordhur në spitalin e Kukësit, pavijoni i fëmijëve në kushte ekstreme

Kryetari i Partisë Demokratike të Kosovës, Memli Krasniqi tha se Ajshe Veseli ishte grua e fortë e bujare. Sipas tij, ky varrim është edhe më i vështirë për shkak se Kadri Veseli, i cili ndodhet në paraburgim në Hagë, nuk merr pjesë në lamtumirën e fundit.