Blindimi i dyerve të Partisë Demokratike ka sjellë reagimin edhe të Forumit të Gruas së Partive Popullore Europiane, që ka dënuar veprimin e Lulzim Bashës.
Duke postuar pamjet nga brenda selisë së blinduar, me anë të një reagimi në Twitter, Forumi i Gruas së PPE i bën thirrje Bashës që të ndalë këtë sjellje ndaj anëtarëve të PD dhe të respektojë vullnetin e tyre.
“Basha ka vendosur dyer dhe dritare të blinduara, ka thirrur mercenarë të armatosur që i përdorin kundër anëtarëve të PD-së; Duhet ta ndalë, të sillet si demokrat dhe të respektojë vullnetin e anëtarëve! Shqipëria meriton një opozitë të besueshme”, thuhet në reagimin e Forumit të gruas së Partive Popullore Europiane.
